Surekh swanand

काव्यबहर साहित्य मंच आयोजित विशेष उपक्रम काव्यप्रकार -सप्ताक्षरी  *शक्तीची उपासना* शक्तीची उपासना भक्तीची आराधना  देवीच्या हो चरणी  मन भाव वंदना.१ घटामध्ये ती ज्योत नऊ शक्तींचा गंध तुझ कृपेचा झोत मन पावे आनंद.२  अंतरीची शुद्धता  नऊ रूपे ती तुझी तुझ्या कृपेने माते पिडा जाईहो माझी.३ शक्ती देशील माते संकटांशी लढाया  भक्ती अर्पिते माते सत्कर्मे ते कराया.४ सेवेच्या वाटेवर प्रेमफुले फुलू दे  माणुसकीचा दीप, घरोघरी उजळू दे.५ नको रे कर्मकांड नको केवळ पूजा सद्विचारांचा गंध  विचार फक्त तुझा.६ स्त्रीशक्तीचा गौरव  समतेचा संदेश अन्यायाच्या विरुद्ध न्यायाचाच आदेश.७ जय हो जगदंबे  जय दुर्गा भवानी  तुझ्या नामामृताने पावन होते वाणी.८ भक्तीच्या प्रकाशात ज्ञानराजा येऊ दे  सद्भावात सुंदर  छान जग घडू दे.९ ✍️ प्रा. सुरेखा कटारिया, चिंचवड, पुणे

उपक्रम-१  कवितेचे पान *घटस्थापना — नव्या संकल्पांची!* घटस्थापना मंगल सोहळा नव्या विचारां जागर व्हावा देवी शक्तीचा आशिष घेत मानवतेचा दीप उजळावा.१ *घटस्थापना वृक्षारोपणाची* मातीच्या घटात बीज रुजावे अंगणामध्ये रोपटे फुलावावे वृक्षवल्लींच्या हिरव्या छायेत धरतीचे वैभव पुन्ह खुलावावे.२ *घटस्थापना कचरा निर्मूलनाची* कचऱ्याला आता दूर सारू प्लास्टिकमुक्त परिसर घडवू स्वच्छतेचा संकल्प तो करू सुंदर पर्यावरण स्वप्न फुलवू.३  *घटस्थापना शरीरस्वास्थ्याची* योग-व्यायामाची धरू कास संतुलित आहारा घालू घाट निरोगी काया प्रसन्न मनाने आनंदफुले जगण्याची वाट.४ . *घटस्थापना संवेदनशीलतेची* दुःख पराचे आपुलेच मानू  अश्रूंमधले मौन जाणून घेऊ दीन-दुबळ्यांच्या मदतीसाठी करुणेचे सदा दोन हात देऊ.५ .*घटस्थापना आपलेपणाची* सदा रुसवे-फुगवे दूर सारू प्रेमाने नाती पुन्हाच सावरू माणुसकीचे नाते जपूनिया जात-पात अन् भेद विसरु.६ *घटस्थापना ज्ञानज्योतीची* अज्ञानाचा अंधार दूर सारुनी ज्ञान दीप प्रत्येक घरी लावू शिक्षणाच्या पवित्र वाटेवर नव्या पिढीला पुढे पुढे नेऊ.७  *घटस्थापना जलसंवर्धनाची* थेंबा थेंबाचे मोल जाणूणी पाण...

🌺 काव्यबहर साहित्य मंच भंडारा 🌺  सर्वपित्री दर्श अमावस्या पितृस्मरण — कृतज्ञतेचा दीप      पूर्वजांच्या स्मृतींना आज वंदन  श्रद्धेच्या फुलांनी अर्पुया चंदन       त्यांच्या संस्कारांचा जपू वारसा   कृतज्ञ भावनानी फुले नंदनवन १     ज्यांनी घडविले आपले जीवन  ज्यांनी दिले संस्कारांचे तन मन     त्यांच्या ऋणाची जाणीव ठेवत करूया पितराच्या प्रेमाने स्मरण.२      पितृ छायेत फुले आपुले जीवन  आयुष्य त्यागातून लाभे सुखाची        शिकवणी, उजळे प्रकाश किरण  पिढ्याना शिकवे धडे संस्काराची.३      अन्नदानातून करू सेवा गरजूंची  देऊ मायेचा मेवा सद्भावाची रीत      चला उजळू घरोघरी मानवतेची  ज्योत सदाभाव मनी मानव गीत.४     पितर स्मरण केवळ परंपरा नाही  कृतज्ञ भाव कधी जुना होत नाही      त्याच सद्गुणांतून जीवन फुलवूया  सेवा संस्कारांत त्यांनाच पाहूया .५    काळाच्या पडद्याआड गेले देह  आठवणींची फुले हो दरवळती...

काव्य बहर भंडारा साहित्य मंच आयोजित उपक्रम  *आकाशातील खरे नायक*    आकाशाच्या अथांग नभात तिरंगा घेऊन उंचउंच भरारी    देशासाठी लावे प्राण पणाला हीच शूरवीरांची गाथा न्यारी.१     वादळ हो आली संकट आले तरी न डगमगली त्यांची छाती    भारत भूमीच्याच रक्षणासाठी शौर्य धैर्याची ती पेटली ज्योती.२       काळ्या मेघांना मागे सारून विमान झेप घेतली हो नभात     देशप्रेम राष्ट्रहिताचा मंत्र जपत वीर उभे राहती रे रणांगणात.३     नभाच्या उंच उंच शिखरावरती राष्ट्रतिरंगा अभिमानाने डोलतो     या वीरांच्या बलिदाना त्यागाने  अपुला भारत सुरक्षित राहतो.४      हे केवळ वैमानिकच नाहीत हे भारतमातेचे शूरवीर सपूत      आकाशातीलच खरे नायक तिरंगा सदा उंच फडकवित.५ प्रा सुरेखा कटारिया,चिंचवड पुणे ✍️

*युवाचार्य परमपूज्य महेंद्र ऋषीजी महाराज साहेब  अवतरण दिन -विशेष काव्य* *त्यागमय जीवनाची गाथा*    साधनेन तेजोमय दीप उजळला संयमाने जीवन झाहले पावन      ऋषीपरंपरेने धर्ममार्ग  फुलला  करुण्य धारेने शीतल झाले मन.१     सुख-वैभवाचा त्याग करून  बालमुनी पंचमहा व्रत धारी    अहिंसा, सत्य, अपरिग्रहाचा  भ.महावीरांचा संदेश जारी.२      वाणी मधुर अंतरी करुणा सदैव संयमावर राहे स्थिर      जीवमात्रावर प्रेम करे दया हे खरे जिनशासनाचे वीर.३      आगम ज्योत सदा पेटवून  अज्ञानाचा अंधकार हरला     धर्मसंस्कारांच्या सुवासाने  जनमनाचा दीप उजळला.४     त्यागमय जीवना आपुले असे आम्हा सर्वांना प्रेरणा     युवाचार्यच्या हो जन्मदिनी  चरणी शतशः नमन-वंदना.५     अवतरण दिन मंगल क्षणी  एकच मनोभाव तो दाटतो     आपुल्या त्यागाच्या तेजाने  जीवनमार्ग आमुचा उजळतो.६     दीर्घायुष्य साधना घडत राहो आपल्या चरणी मम पामरास    ...

काव्यबहर साहित्य मंच भंडार * अशी असावी सांज साजरी*       दिवसभराच्या धावपळीला क्षणभर तरी द्यावी विश्रांती     आपुलकीच्या चार शब्दांनी जुळवावी एकमेकांची नाती.१      मावळत्या सोनेरी किरणानी मोहक रंगे ती नभाची लाली      धुंद निशिगंधाच्या गंधामध्ये दरवळावी सांयकाळ निराळी.२      चहाच्या कपात गप्पा रंगाव्या  आठवातील साठवणीची लकेर      आप्त जणांच्या या सहवासाने मन व्हावे आनंदाने भावविभोर.३       राग द्वेष रुसवे-फुगवे सारून नेहमीच प्रेमाची धरावी ती वाट       दुःख विसरून  सारे संयमाने हसत खुलवा जीवनाची पहाट.४     नको रे संपत्ती नको ती प्रसिद्धी नको मनाला मोठेपणाची हाव      माणुसकीच्या प्रेमळ स्पर्शानेच सुखी व्हाव प्रत्येकाचं जीवनगाव.५     हातातहात ओठांवर स्मित हास्य डोळ्यांत प्रेमाची आस दिसावी    जीवनाच्या प्रत्येक मावळतीला अशीच एक सुंदर सांज  असावी.६ प्रा सुरेखा कटारिया चिंचवड पुणे✒️