Surekh swanand

काव्यबहर साहित्य मंच जाईन विचारत रानफुला जाईन विचारत रानफुला कुठून आणतो सुगंध  छान?  काट्यांच्या याच वाटांवरती  डोलताना हरवतोस भान?. १ नसे रे तुझी मखमली बाग नसे कुणाचाच खास सहारा उन्हातही हसत राहतोस सांगे दुःखा तुम्ही सदा विसरा. २ झुळ झुळ झुळ वाऱ्या सोबत डोलत असतो स्वच्छंदपणे दवबिंदूंच्या मोत्यांनाही जणू समजतोस तू दाग दागिने. ३ नसे तुला अपेक्षा कौतुकाची रानफुला मानाची ना आस तुला रानफुला  म्हणुनी सुंदर वाटतो तुझा निरागस भाव जगाला४ जाईन विचारत रानफुला जीवनाचे गमक सांग मला सुखदुःखात कसे जगावे मंत्र शिकव जन मानसाला. ५ फुलता फुलता सांगून जातो जगताना  सुगंध देत रहावा क्षणभंगुर या आयुष्यामध्ये इतरांसाठी आनंद ही ध्यावा. ६ प्रा सुरेखा कटारिया चिंचवड पुणे

काव्य बहर साहित्य मंच, भंडारा.  आजचा उपक्रम विषय- सोड हा रुसवा काव्यप्रकार -अष्टाक्षरी सोड हा रुसवा सखे मन व्याकुळ झाले गं तुझ्या गं अबोल्या ने  मी सैरभैरा झालो गं. १   काय झाहले सांग ना दाटे का नयनी पाणी? तुझ्या विना घर सारे जणू भासती विराणी.२ तुझे रुसवे गोड ते प्रिय फुगवे वाटती तुझी ती शांत नजर मना हुरहुर देती .३ चांदण्यांनी रात्र सजे फुले गं मोगरा दारी तुझ्या शिवाय सखे गं नको ती दुनियादारी. ४ चल सोड कटू क्षणां प्रीती वीण पुन्हा ओवू हात हातात दे सखे राग रुसवे संपवू.५  प्रेम मनात जपावे अहंकारा दूर कर सोड मिटव अबोला नाते पुन्हा  दृढ कर. ६ ओठांवर हास्य फुले जग बहरून जाई जगातला मीच प्रेमी प्रेम गीत सदा गाई. ७  प्रा. सुरेखा कटारिया, चिंचवड, पुणे.✍️

*काव्यबहर साहित्य मंच, भंडारा.* *दिनांक :- ०४.०८.२०२६ मंगळवार *उपक्रम क्रमांक :- १३३८ (सामाजिक काव्य)* *विषय :- आजच्या समाजात स्त्रियांचे योगदान*      स्त्रीशक्तीचे योगदान जिजाऊंच्या संस्कारातून शिवबांचा इतिहास घडला सावित्रीच्या ज्ञानज्योतीने अज्ञानाचा अंधार सरला.१ घरकुलाची ती आधारवड मायेची ती अखंड सावली कष्टामधुनी फुलवी आनंद सर्वांना ती मनस्वी भावली. २ कधी शिक्षिका बनुनी ती ज्ञानामृताचा वर्षाव करी वैद्यरूप धारण करते अन जीवन रक्षणा सदा उतरी. ३ कधी शास्त्रज्ञ नभी झेपे कधी सागरतळ ती गाठते कर्तृत्वाचे पंख भरारी घेते नव्या विश्वाला ती भेटते. ४ कधी शेतात राबत असते घामामधुनी मोती पिकवी कधी उद्योगाच्या क्षेत्रामध्ये यशाची पताका फडकवी. ५ कधी सैनिक बने सीमेवर देश रक्षणाची शान ठरे प्रेम धैर्य त्याग समर्पणाने राष्ट्रप्रेमाचे गीत ती स्मरे. ६ आई बहीण सखी कन्या नात्यांची सुंदर विण ती पत्नीच्या प्रेम स्पर्शाविना ओसाड भासे  सृष्टी ती. ७ प्रा. सुरेखा कटारिया, चिंचवड पुणे ✍️

काव्य बहर साहित्य मंच भंडारा  रविवार उपक्रम- आवडती कविता रंग मैत्रीचे मैत्रीचे रंग किती न्यारे इंद्रधनू सम सुंदर सारे सुख-दुःखाच्या वाटेवर साथ देणारे सोबती खरे. १ हास्य रंग गुलाबी गोड एकमेकाभेटण्या ओढ विश्वासाचा निळा रंग जपतो नाते सदा गोड. २ हिरवागार रंग आशेचा  मैत्रीतून नवे स्वप्न फुले पिवळा रंग आनंदाचा उजळे मार्ग स्वानंदाचा. ३ लाल रंग जिव्हाळ्याचा बंध घट्ट करतो प्रेमाचा जांभळा तो समजुतीचा अर्थ उमगवे भावनांचा. ४ मैत्री  रंगांची उधळण नात्यांची सुंदर गुंफण रंग मैत्रीचे जपू या सारे मैत्री म्हणजेच समर्पण. ५ *मैत्री दिनाच्या खूप खूप शुभेच्छा*🌷🥰🌈 प्रा. सुरेखा कटारिया, चिंचवड, पुणे ✍️.

मी कुठे म्हणालो, परी मिळावी मी कुठे म्हणालो,परी मिळावी स्वप्नांची राणी मजसी भेटावी.  फक्त सर्वांना समजून घेणारी संवेदनशील सखीच भेटावी. १ ती चंद्रमुखी जरी नसली तरी प्रत्येकाच्या मना जाणणारी मायेचाच ओलाव्याने प्रेमभरे प्रत्येकाच्याच मनात भरणारी. २ सुख-दुःखात प्रत्येकच वेळी माझ्या सोबतच उभी राहावी वादळातही जगण्यामध्ये तुझ्या विश्वासाचीच  ज्योत उजळावी.३ देईल महाल वैभव सारे मी  प्रेमदागिने झोपडीत माझ्या हो दोन जीवाचे मिलन सुंदर  सारे देतो समर्पणाचे तुझ्या. ४ मी कुठे म्हणालो,परी मिळावी हृदय जिंकणारी सखीच हवी जीवनाच्या या प्रदीर्घ वाटेवर       प्रेम वात्सल्याची बरसात हवी. ५ प्रा. सुरेखा कटारिया चिंचवड, पुणे ✍️

काव्यबहर साहित्य मंच भंडारा आयोजित उपक्रम.. विषय..सोनम वांगचूक हिमालयाचा दीप : सोनम वांगचुक    हिमशिखरी कुशीत जन्मे ज्ञानसूर्य एक तो तेजस्वी    सोनम वांगचुक नाव आहे विचारधन असे ओजस्वी.१    लडाखच्या त्या भूमीमध्ये नव चैतन्याचे बी अंकुरले    शिक्षणाच्या नव्या वाटेवर विद्यार्थ्यांचे भाग्य उजळले. २      पुस्तकापुरतेच ज्ञान नको जीवनाशी सत् नाते जोडू     कृतीने  शिक्षण घेत  जावू यश शिखरावरती हो चढू. ३     बर्फस्तूपाची कल्पना देत पाण्याचा प्रश्न मिटविला    विज्ञानास जोडून मानवता उर्धगामी दिशा दाखविला. ४     पर्यावरणाचा खंदा रक्षक निसर्गा सदा सदा जपले     हिमनद्यांचे दुःख जाणून जगण्या सूत्र शिकविले. ५       सत्यासाठी उभा राहिला अन्यायाशी हो झुंज दिली     धैर्य शौर्य जिद्द चिकाटीने ज्योती प्रज्वललीत केली. ६     साधेपणाचा अलंकार लेवून कार्यातूनी ही मान मिळविला    हिमालयाचा ज्ञानदीप बनुनी भारतमातेचा गौरव वाढविला. ७  प्रा. सुरेखा कटारिय...