Surekh swanand

🌹 *आदरणीय डॉ. संजयजी चोरडिया यांना अवतरण दिनाच्या हार्दिक शुभेच्छा!* 🌹 सूर्यदत्ता एज्युकेशन ट्रस्टचे संस्थापक, दूरदर्शी शिक्षणतज्ज्ञ आणि प्रेरणादायी व्यक्तिमत्त्व आदरणीय डॉ. संजयजी चोरडिया यांना अवतरण दिनाच्या मनःपूर्वक शुभेच्छा! माझ्या चिंतनानुसार पिकलेले फळ तीन गुणांनी ओळखले जाते—ते मृदू असते, गोड लागते आणि त्याचा रंग परिपक्वतेची साक्ष देतो. त्याचप्रमाणे परिपक्व व्यक्तिमत्त्वाची ओळख त्याच्या नम्रतेत, वाणीतील गोडव्यात आणि अढळ आत्मविश्वासात दडलेली असते. डॉ. संजयजी चोरडिया यांचे व्यक्तिमत्त्व हे या तिन्ही गुणांचे जिवंत उदाहरण आहे. त्यांचे हात आकाशाला स्पर्श करतात, पण पाय मात्र आजही जमिनीवर घट्ट रोवलेले आहेत. संघर्षातून स्वतःचे अस्तित्व निर्माण करत त्यांनी सूर्यदत्ता एज्युकेशन ट्रस्ट उभारला आणि सर्वसामान्य विद्यार्थ्यांसाठी शिक्षणाची असंख्य दारे खुली केली. शिक्षणाला सामाजिक परिवर्तनाचे प्रभावी माध्यम बनविण्याचे त्यांचे कार्य प्रेरणादायी आहे. महात्मा ज्योतिराव फुले यांनी जसे सावित्रीबाईंसोबत समाजपरिवर्तनाची ज्योत प्रज्वलित केली, त्याचप्रमाणे संजयजींच्या कार्यप्रवासात त्यांच्या सहचारिणी ...

*काव्यबहर साहित्य मंच, भंडारा.* *दिनांक :- २७.०६.२०२६ (शनिवार)* *उपक्रम क्रमांक :- १३०१ (निसर्ग काव्य)* *विषय :- तारका नभातल्या (श्रीकाव्य प्रकार)* *तारका नभातल्या* तारका नभातल्या चमचमे चंद्राला साथ देत आकाशी रमे. १ पाऊस धुवाधार चोहीकडे कुनबी पेरी धनधान्य  आनंदाने बागडे.२ उन्हामध्ये राबतो शेतकरीदादा सदा खाऊन जातो व्यापारी मलिदा. ३ प्राजक्तासम फुलवा सुखीसंसार शेतकरीदादा बांधावे तोरण सौख्य अपरंपार. ४ भरणपोषण करतो जपतो  तूच सर्व नात्यांना हर्षभरे  गातो. ५ प्रा सुरेखा कटारिया चिंचवड पुणे✍️

*या जगण्यावर शतदा प्रेम करावे* *भावपूर्ण सुमनांजली* 🙏 आदरणीय प्रवीणभैय्याजी,  सुरेखा  प्रकाशजी कटारियाचा सादर जय जिनेन्द्र..!  *आदरणीय प्रवीणभैय्या, सुनीलभैया, मा. सरपंच पुष्पा भाभी, सर्वनातू, नात सुना, मुली,जावई व सर्व परिवार *सन्माननीय माणिकचंजी अर्थात आमचे लाडके मामासा या जगात नाहीत.हे विरहाचे दुःख सहन करण्याची ताकद आपणा सर्वांना  मिळो हीच ईश्वरचरणी प्रार्थना...!कारण त्यांचं जीवन म्हणजे परोपकाराने ओतप्रोत भरलेलं कष्टाच्या शाईने लिहिलेली पाने आयुष्यात कधीच कोरी राहत नाहीत. याचा मूर्तीमंत उदाहरण म्हणजे  माणिकचंदजी ओस्तवाल ...!*   त्यांच्या जीवनाकडे कटाक्ष टाकता अनेक गोष्टी अनेक जगण्याची तत्वे या पुढच्या पिढीला दीप स्तंभासारखे मार्गदर्शन  करतील. त्यातील त्यांची काही मी निरीक्षण केलेली जगण्याची तत्वे *स्वतःला मर्यादित ठेवलं तरच लोक मर्यादा सांभाळून वागतात.कोणालाही उलट उत्तर द्यायला अजिबात अक्कल लागत नाही;पण कुठे शांत राहायचं आणि कुठे समोरच्याला समजावून सांगायचं  याला मात्र संस्कारच लागतो*.         *जितका वेळ पैसा, संस्कृती...

*काव्य बहर साहित्य मंच भंडारा आयोजित उपक्रम* *कवी सुधीर मोघे यांची शब्द ओळ* *विषय:-- दिस जातील दिस येतील* काव्यप्रकार सप्ताक्षरी सुखा नंतर दुःख दरी सुखदुःखाची दु:खा नंतर सुख आस रे जगण्याची. १ मम् दिस जातील दुःख माझं सरल पुन्हा तिच येईल हर्ष  गीत गाईल. २ दिवा वंश मुलगा नंदादीप मुलगी सासर नि माहेर करे सदा सलगी. ३ मी तुझाच तू माझी यशासाठी हो राजी कर्म करत रहा थोडी जिद्द ती साजी.४ येई ढग भरून काळ होई आकाश माती म्हणे सूर्याला थोडा देरे प्रकाश. ५ प्रा सुरेखा कटारिया चिंचवड पुणे✍️

काव्य बहर साहित्य मंच भंडारा आयोजित शुक्रवार दिनांक १९-६-२०२६ चा दैनिक उपक्रम क्रमांक १२९३ विषय. :--  *तुझ्या विरहात.....* तुझ्या विरहात सलते ग काही पाणी नयनात या मनाच्या ठाई. १ उरी माझ्या हा दाटतो ग पान्हा कुठे दूर गेला मम् कृष्ण कान्हा. २ तुझ्याविना बाळा उदास भकास वाटे क्षणोक्षणी होतो तुझा भास. ३ काळजाचा ठोका दर क्षणी वाढतो तुला भेटण्यास जीव व्याकुळतो. ४ विरहात तुझ्या वाटेवर डोळे तुझ्या वीना कसे  पूर्वू आनंद सोहळे. ५ प्रा सुरेखा कटारिया चिंचवड पुणे✍️

चला चारोळीच्या गावा  चारोळी क्रमांक-३८६ हाती घेऊनीया लेखणी   भीमाने संविधान लिहिले सर्वांचे जगणेच उद्धारले   विषमतेत बापास पाहिले प्रा सुरेखा कटारिया चिंचवड पुणे✒️