कवितेचे नाव- शब्दांची संगत

रविवारचा उपक्रम आवडती कविता
कवितेचे नाव- शब्दांची संगत 

सुखदुःखात कविता 
करे शब्दांची संगती
शब्दात भाव ओतत 
होते काव्याची निर्मीती. १

मनाच्या भाव भावना 
मांडतो कवी शब्दात
नसे कसली साधना
भाव भरतो काव्यात. २

नकळ स्फुरे कविता
येई शब्दच भेटाया
शब्द कळ्यात सविता
शब्द काव्यात वाटाया. ३

कवितेच्या वेलीवर
फुटे शब्दांचे धुमारे
शब्द राज्य मनावर
हर्ष भरे जीने सारे. ४

मनाच्या आभाळी जमे
काळेभोर शब्दं ढग 
वारा विचारांचा रमे
शब्दांचा पाऊस मग. ५

घेता लेखनी हो हाती
पांढऱ्याचे काळे होती
शब्दा मागे शब्द येती
जीवन गाणे हो गाती. ६

असा शब्द काव्य सार
शब्द महिमा अपार
आनंदाने जगण्यास
देते कविता आधार. ७

प्रा सुरेखा कटारिया चिंचवड पुणे✒️

Popular posts from this blog

आजचे चिंतन आभाळा एवढं मन

भगवान महावीरांच्या मार्गाने गेल्या उज्वल भविष्य डॉक्टर श्वेता राठोड

नाट्यछटा काय म्हणावं या मोठ्यांना...!