संत श्री गजानन महाराज समाधी निमित्त विशेष उपक्रम शेगावीचा राणा*श्री गजानन महाराज
*संत श्री गजानन महाराज समाधी निमित्त विशेष उपक्रम शेगावीचा राणा*
श्री गजानन महाराज
शेगावच्या पावन भूमीत
अवतरला शेगाव राणा
भक्तांच्या हृदयामध्येच
वसे श्री गजानन राणा. १
नाही मोह, नाही माया
साधेपणाचा सदा घाट
नामस्मरणाच्या गजराने
पावन झाली सारी वाट. २
दीन-दुःखी शरण येती
त्यांना दिला हो आधार
कृपादृष्टी पडता क्षणी
दूर होतो दुःखचा भार .३
गण गण गणात बोते
मंत्र घुमे दाहीही दिशा
महाराज चरणी मिळे
मनाला शांतीची आशा ४
संकट आले जीवनात
नाम तुझे ओठी यावे
अंधारलेल्या वाटेवरती
कृपेचे दीप उजळावे . ५
प्रा सुरेखा कटारिया चिंचवड पुणे✍️