तसा न चंद्र राहिला*
*काव्यबहर साहित्य आयोजित उपक्रम*
*तसा न चंद्र राहिला*
तसा तो न चंद्र राहिला,
तशीच ती चांदणी कुठे?
परिवर्तनाच्या वळणावर
प्रत्येक जण स्वार्थ गाठे. १
नभ अजून ही तेच आहे,
ताऱ्यांची तीच असे रांग
का नात्याची ओल सुखली
मुके झाले भावनांचे रंग.२
रातराणीचा गंध विरला
शांतशीतल वारा थांबला
आठवणीं धुसूर झाल्या
आपलेपणा कुठे गेला. ३
बदलला काळ,माणसं
तसे न ते चांदणे राहिले
स्वार्थ नगरीत हरवली
नात्यां नात्यातील मुले. ४
तरी ही आशेचा किरण
मनात अजून तो उगवतो
नवाचंद्र पुन्हा नभी यावा
जीव आनंदानेच भारतो. ५
प्रा. सुरेखा कटारिया, चिंचवड, पुणे✍️