काव्य बहर साहित्य मंच भंडाराचित्रकाव्य
काव्य बहर साहित्य मंच भंडारा
चित्रकाव्य
खिन्न चेहरा उदास नजर
आजी घरातून निघतेखरी
शोध घेत जाते नातवाचा
तिच्या व्यथाकथा पाहू तरी. १
आजी सत्तरीच्या पुढची
कष्टमय जीवन जगलेली
स्वतःच्या पोटाला मारून
मुलांशी एकरूप झालेली. २
दिसे अंगकाठी उंची पुरी
हिरवेगार लुगडे काटपदरी
हातामध्ये घेऊनिया पिशवी
अनेक समस्या मनी उधरी.३
घरी सगळं ठीक असेल ना रे
कुंकवाचा धनी बराअसेल का
सदा काळजी तिला संवादाची
सुना मुलं नातू बोलतील का? ४
लेकीकडून येताना विचार येई
आई गेले वडील गेले माहेराला
पोरकी झाली ती,लेकीन तिला
मान माहेरपणा सारखा दिला.५
आईचं माहेर पण करूया ही
गरज काळाची वेळेची आहे
हे सारं ओळखून हल्ली मुलीं
आईचं माहेर पण करत आहे. ६
प्रा. सुरेखा कटारिया✒️