विषयः- *प्रित तुझी लपवितांना*
🪷काव्यबहर साहित्य मंच,भंडारा🪷
उपक्रमासाठी स्वरचित रचना
३१ आॕक्टोबर २०२५ , उपक्रम क्र.१०६७
विषयः- *प्रित तुझी लपवितांना*
प्रकारः- नऊक्षरी
प्रित तुझी लपवतांना
स्नेह मला दिसला होता
तुझ्या गोऱ्या मुखावरचा
चंद्र मला दिसला होता.१
सदा गोड प्रेमाची अदा
तुझे ते मोहक हसणे
नको त्या कारणावरून
असे कसे तुझे रुसणे. २
रुसता मनी घालमेल
होते मी निशब्द अधीर
मला होते खोल जखम
तुझ्या लोचनानी दे धीर. ३
जरा जवळूनी जाताना
तुझी नजर मज जाळे
तुझे जुलमीच नयन
जादू भरे तुझे ते डोळे. ४
तुझे असणे सुगंधाचे
भय नसे आता जगाचे
मना धुंद ते करणारे
फुले मोगरे प्रीतीचे. ५
नको हा विरह आता
तुझ्याविना नको राहणे
जरी भिन्न जात आपली
प्रेमा साठी नको बहाणे. ६
तुझ्यासाठी मी सदा आहे
युग युगे सौभाग्यवती
प्रित तुझी दाखविताना
मंगळसूत्र ते भोवती. ७
प्रा सुरेखा कटारिया-चिंचवड पुणे