घरोघरी घटस्थापना**काव्यप्रकार-अभंग*

*घरोघरी घटस्थापना*

*काव्यप्रकार-अभंग*

घटस्थापना ती l अश्विन मासात।

प्रथम पुजत l घरी माता ।।१।।

साडेतीन पीठे lघरामध्ये आई l

मुलगी ती माई l ती बहीण।।२।।

घरी कुलस्वामिl असे अन्नपूर्णा  

तृप्ती ती सर्वांना। भोजनाने।३।।

अभ्यास घेताना l असे सरस्वती

अवतीभवती l  जाण ठेवा ।।४।।

तुळजापूराची। ही भवानीमाता

  काळजी घ्याआताl प्रेम भरे।।५।l

गृहलक्ष्मी घरीl सन्मानाने राहोl

घरोघरी लाहो l काली बनो।।६।।

सदा आत्मभान।जागवावे स्त्रीचे। 

बाई मानवाचे। सन्मानाने।।७।।

गरबा रास तो। मंगलम होवो। 

शिव्याच न देवो।  मायवरी।। ८।। 

भजू तिज आता। नवदुर्गा घरी

नवरात्र दारी।भक्तीभावे।।९।।

प्रा.सुरेखा कटारिया-चिंचवड पुणे