जोगवा*
*💐 काव्य बहर साहित्य मंच भंडारा आयोजित बुधवार दिनांक २४-९-२०२५ चे दैनिक उपक्रम क्रमांक १०३०💐*
*जोगवा*
आईचा जोगवा जोगवा मागते
आत्मभानाचे कवाड जागवते.
१
भवानी आई जोगवा मी मागते
मम् स्वैराचारी वृत्तीला सोडिते .
२
हे शारदे ज्ञानाचा जोगवा मागते
सत् विवेकाने ज्ञानज्योत तेवीते.
३
महालक्ष्मी अर्थार्जनाचा मी मागते
जोगवा मनीचा भाव तुला सांगते
४
कालीका माता जोगवा मी मागते
दृष्टांवरप्रहार करण्या बळ तू देते
५
रेणुका माता जोगवा मी मागते
कर्तव्य करत हक्कासाठी भांडते
६
दुर्गा, जोगवा मानवतेचा मागते
तू दिलेली आदिशक्ती मी जागवते
७
अन्नपूर्णा माता जोगवा मी मागते
सुदृढ शरीरासाठी मनास भावते
८
प्रा सुरेखा कटारिया-चिंचवड पुणे