उपक्रम. *चित्र काव्य*विषय:- *चित्राला अनुसरून काव्य लेखन करणे* शीर्षक:-- *दान*
उपक्रम. *चित्र काव्य*
विषय:- *चित्राला अनुसरून काव्य लेखन करणे*
शीर्षक:-- *दान*
योनीमधे मानवाचा
चौ-याऐंशी जीवलक्ष
सर्वश्रेष्ठ आहे जन्म
सत्कर्मास रहा दक्ष..१
आज आहे उद्या नाही
असे शरीर नश्वर
करा अवयव दान
उपकार तो सत्वर.. २
देता हृदयरोपण
शस्त्रक्रिया किडनीचे
मिळे त्यांना पुनर्जन्म
बंध ते पुण्यकर्माचे .. ३
नेत्रदान करताना
हर्षोल्हास हवा भारी
गेल्यावर जगा पाही
कृती ही सुंदर सारी.. ४
हाव हाव माणसाला
समाधान देत नाही
गरजूला देतानाच
सत् पात्री दान होई..५
सदा हसून खेळून
जगायचं,तुझं माझं
व्यर्थ नाही करायचं
दिसे ते वागणं तुझं.. ६
दानशील तप भाव
चार हेच मोक्ष द्वार
देत राहू सदा दान
घेणाऱ्याचे हो साभार..७
म्हणे विंदा घेणाऱ्यानी
घेत जावे, घेता घेता
हात ते दानी घ्यावेत
द्यावे सदा जाता जाता.. ८
दान प्रकार ते दहा
अन्न,जलदान शान
भयदान लज्जादान
कृत,गौरव ते दान.. ९
द्यावे अनुकम्पा दान
छान ते कारूण्य दान
सदा रहावे हसत
ठेवा आनंदाचे भान.. १०
शब्दांचे अर्थ
अन्नदान -भुकेलेला अन्न देणे
जलदान _तहानलेल्या पाणी देणे
भयदान- भीती पासून मुक्ती देणे
लज्जादान- लाज राखण्यासाठी दिलेले दान उदाहरणार्थ कृष्ण द्रौपदी
गौरवदान-यश प्राप्तीसाठी केलेले दान ,उदाहरणार्थ विद्यादान
कृतदान- उपकाराची फेड उपकारा न करणे
अनुकंपादान- दुःखी व्यक्तीच, प्राण्याचं दुःख कमी करण्यासाठी केलेले दान
कारुण्य दान- प्रिय गेलेल्या व्यक्तीच्या स्मृती प्रित्यर्थ दान देणे.
प्रा सुरेखा कटारिया-चिंचवड पुणे
