विषय :- मोर**शीर्षक :- जैन साधूंची पिंची**अष्टाक्षरी कविता*
अर्लीयन के. ए. अध्यात्म पुणे प्रतिष्ठान आयोजित उपक्रम
उपक्रम क्रमांक :- ४१
दिनांक :- २७/०७/२०२५
*विषय :- मोर*
*शीर्षक :- जैन साधूंची पिंची*
*अष्टाक्षरी कविता*
तुझे सौंदर्य अप्रतिम
असतो राष्ट्रीय पक्षी
हिऱ्या पाचूनं मढला
तुझं सौंदर्य आहे साक्षी..१
आकाशी मेघ गर्जता
फुलवतोस पिसारा
हिरे पवळे माणके
याचा सुंदर नजारा.. २
असे तू रत्नजडित
सरस्वतीचे वाहन
कृष्णाच्या मुगुटात तू
दिसतो मोहक छान.. ३
पिसारा फुलवताना
थुईथुई नाचे मन
तुझे नृत्य पाहताना
हरकून जाती जण.. ४
देव सौंदर्य वाटताना
विसरे भूक तहान
उदारहस्ते वाटतो
तुजला सौंदर्याचे वाण.. ५
मोरपीस सदा सांगे
मोहची सोडा आसक्ती
संसारात राहूनिया
असावी सदा विरक्ती.. ६
जैन साधु वापरती
मोरपिसाची ती पिंची
दयाभाव बाळगूनिया
पुण्यकर्म सदा सिंची.. ७
शब्दार्थ
पिंची- दिगंबर जैन साधू दया भाव राखण्यासाठी व जीवांना जीवदान देण्यासाठी या मोराच्या पिसान तयार केलेल्या झाडू सारख्या *एकत्रित केलेल्या मोरपिसांना पिंचीचा* म्हणतात याचा वापर करून सूक्ष्मजीवांना जीवदान देतात
प्रा सुरेखा कटारिया-चिंचवड पुणे