गुरुची किमया------------------------------ दि.3/5/2021-सोमवार------------------------------ गुरुजी शाळेतल्या या आठवणी साठवून ठेवू आपण गुरुजी साठवणीतील आठवणी वर बोलू काही आपण ll गुरुजी लसावी मसावी शिकताना वहीची पाने फडफडताना पानाफुलां सहीत आमच्या बरोबर डोललांत आपण ll गुरुजी चटके सोसत जगला तुम्ही आमच्यासाठी देशाचे पाईक होऊन सतत कार्यमग्न राहिला आपण ll गुरुजी महावीर शाहू फुले आंबेडकर तुम्ही दाखवली त्या धर्म मैत्रीच्या संयमी वाटांवर चालतो आहे आपण ll गुरुजी चंद्र सूर्य तारे वारे दहा दिशांना फिरविले कर्ता कर्म स्वल्पविराम पूर्णविराम दाखविले आपण ll गुरुजी आपल्या कृपेन लाल दिव्याच्या गाडीत फिरतो आहे ll गुरु अस्थेन माथा आपल्या चरणावर झुकवतो आपण ll पाहून असे आनंदाश्रू आता घळघळ लागे वाहू सारे विसरून मिठीमध्ये एकमेकांच्या असतो आपण ll गुरू-शिष्याच्या बंधा मधूनी उसाचा गोडवा साकारतो गुरुजी साठवणीतील आठवणी वर बोलू काही आपण ll सुरेखा प्रकाश कटारीया चिंचवड पुणे ते 33