अष्टाक्षरी *विषय - खळखळणारा धबधबा*
*काव्यबहर साहित्य मंच आयोजित निसर्ग काव्य उपक्रम क्र.९७५ दि.२/८/२५ शनिवार*
अष्टाक्षरी
*विषय - खळखळणारा धबधबा*
धबधबा निसर्गाची
सुंदरच कलाकृती
उंचावरून वाहतो
रौद्रावतार विकृती.. १
करंगळी एवढ्याच
धारेचा बनतो छान
बाल्यवस्था धबधबा
क्रीडाचे ठेवतो भाण.. २
कोसळतो धबधबा
रूप घेतो सरितेचे
तारुण्यात येई नदी
व्रत तिचे ते देण्याचे.. ३
प्रथम तो धबधबा
मग ती सरिता होई
जीवा समृद्ध बनवी
सारं फुलवीत जाई.. ४
ओढ सदा मिलनाची
सागरी विलीन होई
तेव्हा ती ना सरस्वती
गंगा ना यमुना राही..५
पुन्हा होऊनीया ढग
धबधबे गिरीतून
ज्याने दिले त्यास देण्या
घ्यावे व्रत मनातून.. ६
देई जीवना उभारी
रेखाटे चित्र सुंदर
जनातून ते पाझरे
जीव बने कलंदर..७
प्रा सुरेखा कटारिया-चिंचवड पुणे